我哋睇下幾個例子，了解頭、耳同尾巴呢幾個部位，點反映狗嘅肢體語言。

沉著，堅定
頭會抬高、耳仔同尾巴豎直，但身體並不繃緊。如果有搖尾巴，擺動速度會係緩慢而有節奏。呢種狀態嘅狗，一舉一動都不慌不忙，一係留喺一個地方唔郁（唔會行黎行去），一係目標明確咁向前行。

平靜，服從
耳仔垂底貼頭，尾巴下垂喺中間位置，身體睇落放鬆。通常坐低或瞓係度，服從性最高嘅狗仲會將頭趴喺兩雙前上面。當主人望住佢嘅時候，尾巴仲會開始搖起來。

攻擊傾向
身體繃緊，好似傾斜身體喺度抵抗前面嘅阻力。亦唔好以為會擺尾嘅狗就係友善，有攻擊傾向嘅狗通常會將尾巴舉得好高，擺得好快。

恐懼同焦慮
將自已縮小，將頭同耳仔垂低，好似駝背咁，腳亦微微彎曲，尾巴垂到最低而夾喺兩腳中間。有啲品種仲會豎起背部嘅毛，為咗令自已睇落大隻啲，仲會瞇起眼睛，為咗保護雙眼。

唔好煩我
常見反應係轉身掉頭走開，避免眼神接觸，將頭轉到一邊去。亦有可能保持僵直，好似唔郁嘅話你就睇唔到佢。

參考：西薩。米蘭 狗班長的快樂狗指南