其實咁樣做有幾個原因：

認為咁做會有好事發生：「無意間執起地上嘅野食，原本只顧住傾偈嘅主人竟然轉頭同我講野喎～」見到主人緊張嘅反應，以為係同自已玩，什至同主人搶返件垃圾為樂，認為呢種行為可以引起主人嘅注意力，不斷重複呢個行為。

散步時畀狗狗自由走動：「我嘅主人鐘意畀我走喺前頭，因為主人希望我喺前面搵到好野食。」呢個情況係主人放狗時無法控制狗，俾佢一直衝，而產生嘅另一種常見情況。

聞野慾好強烈：「走路時周圍聞野好正常，咁先搵到好味嘅野啊」俾狗仔隨意亂聞味道，只會助長亂執地上垃圾嘅行為。

解決方法：

狗繩唔好過長，為咗唔畀狗仔咀巴容易掂地面為原則。手上先繞一圈，將牽繩長短控制好。

唔好俾狗仔將執垃圾當成遊戲：睇到垃圾時繞路，避免經過。主人執起垃圾時等於同狗狗唱反調，容易畀狗仔以為要同佢玩。

避開路邊：盡量唔走到有垃圾掉落嘅路。

做好開咀訓練：狗仔誤服危險物品時，主人一定要幫佢拎出黎。用左手中指壓住狗仔犬齒一帶，可以令狗咀巴比較容易張開。如果硬把咀強開，反而會讓異物吞得更入。

參考：乖狗狗養成書