狗仔搶繩問題都幾普遍，如果你嘅狗狗都有呢個問題，不妨審視下放狗方式。揸繩時，最好用雙手拉繩，以離狗狗較遠嘅嗰隻手黎拉繩，另一隻手則握喺繩嘅中間。過長嘅繩唔係咁好，如果過份繞喺手上，而狗狗用力拉址時，有機會令主人跌倒或者扭傷手；俾多餘嘅繩垂下就容易絆倒自已。

基礎準備好就可以開始訓練狗狗跟喺主人旁邊：
步驟一：走路時經常畀獎勵：同狗仔講嘢，或者將零食放喺狗狗咀巴高度餵食，一邊散步一邊進行呢個動作。

步驟二：走路時偶爾畀獎勵：減少餵零食次數，間中畀少少動力，故意露出零食畀佢睇，吸引狗狗繼續前進。

步驟三：即使無獎勵下都可以前進

備注：餵零食如果位置過高，狗狗會跳起食，或者演變成吠著要主人畀零食。

參考：乖狗狗養成書