屋企人返屋企入門口時，多數狗仔都鐘意企起身，飛撲至家人身上熱情迎接，儘管表現出對家人喜愛嘅熱情，不過一旦呢個行為成為習慣後，對其他人卻有可能造成驚嚇或傷害。亦有唔少狗狗聽到門鐘即刻興奮得狂吠，因為佢地知道門鐘聲代表訪客出現所致。

對應呢個問題有兩種解決辦法，對症療法同根治療法。前者必須喺行為發生時立即處理，只要能確實掌握狗狗準備撲向人嘅時機，例如當狗狗以後腳站起，準備撲人時，主人立即行向狗仔方向，並一聲竭止，再加上立即使狗狗坐下，令狗狗明白撲人並不受歡迎，而冷靜坐下才是。

根治療法係利用讓狗狗對行為產生不愉快聯想，例如對於會喺玄關因訪客到訪而狂吠嘅狗仔，可以事先搵出狗狗固定企喺位置，鋪上長毯，當訪客前來而狗狗準備開始吠叫時，即拉毯子，令被拉回嘅狗狗認為受到不明嘅懲罰。