上次講咗狗仔禁止食物嘅上半部，今次講埋其他：

大量鹽份
狗仔鍾意鹹口味所以更加要注意，鹽份攝取過量會導致肝臟疾病同高血壓，仙貝等零食最好唔好餵狗狗。

香辣
香辛料中嘅刺激性物質唔單止刺激胃部，對肝臟同腎臟都唔好，盡量要避免。

夏威夷豆
狗仔如果食到夏威夷豆，除咗嘔之外，仲會出現身體虛弱、鬱悶、運動失調同體溫升高等症狀。

木糖醇 (xylitol)
通常用於無糖點心哃牙高中嘅人工甜味料，會造成狗仔肝臟方面嘅疾病。

葡萄乾
葡萄以及葡萄乾，都可能令狗仔嘔吐、腹瀉同急性腎衰竭等症狀。

花枝、章魚、貝殼類
呢類食物唔易消化，會造成狗仔腸胃嘅負擔而引起便秘、腹瀉等消化系統方面嘅毛病。

蔥類
蔥類含有一種成份，被腸胃吸引嘅話，會破壞血液中嘅紅血球，亦即係溶血作用，會造成狗狗貧血，嚴重甚至致死。而且，唔單止係蔥本身，只要吸收到蔥類成份嘅食物，例如味噌湯同火鍋鍋底，都唔可以畀狗仔食。

參考：了解狗狗的想法