有啲主人都遇上狗仔咬爛屋企啲野，日日搞破壞，煩到七彩。

遇上呢啲情況，好大機會係狗狗無足夠時間去放電，咁就要即刻日日都同佢散步至少半個鐘，除左行之後，仲要畀時間佢周圍聞，因為狗仔行街嗰陣會留底體味，而呢啲味道只有狗仔先至明。

又如果狗仔成日聞而唔行，可以快速扯一下條狗繩，跟住主人立即向前行，行耐左狗仔就明白散步嘅默契。