咬野對狗仔黎講係理所當然嘅事，我哋必須理解咬野嘅原因，再諗對應方法。

點解鐘意咬野呢？

• 睇見任何野都想咬：狗仔有強列嘅好奇心，呢種係狗狗探嘅本性，亦係野性狩獵行為嘅表現。
• 換牙引起嘅牙癢：為咗舒緩乳齒換乳齒嘅唔舒服，而靠咬野抒發，不妨畀玩具或狗骨去咬。
• 恐懼與不安：有驚嘅東西接近時，為咗保護自已於是咬對方，有時壓力或情緒不穩定時都會發生。

又想集中少少講狗仔咬人手嘅原因同解決方法

原因：咬主人嘅手撒嬌：狗仔想主人陪玩嘅慾望得唔到滿足，或者為咗引起主人注意，都會出撒嬌式咬手。有啲狗仔成長時，什至誤將「只要咬手，就會有好事發生」嘅記憶輸入腦裡。主人唔好以為無得改變，進而放縱，必須教曉佢地咁係唔啱。

解決方法

• 主人被咬時，講完「好痛」後，將手從狗口裡抽返出黎，唔理佢然後走開。呢個時候狗仔會思考點解主人唔理自已，反覆呢個模式就令狗狗明白自已做錯事。
• 咬拎住零食隻手：拎零食都有正確嘅方式，如果狗狗以為只要咬住隻手，就可以到零食時，就要畀狗仔學習改以嗅聞味道，以舔方式先可以得到食物。
• 當住狗仔嘅面前將零食喔喺手裡。即使被咬，都絕對唔可以將手張開，而且唔可以表現出痛嘅樣。等到狗仔放棄咬，先至張手張開，俾狗狗食零食。
• 手被咬住唔放時，硬用力將手拉開只會令狗仔咬得更緊，呢個時候要放鬆手部力量，等狗仔將咀巴鬆開。

參考：乖狗狗養成書