過度愛鍚狗狗，平時無時無刻喺一齊，容易令狗仔產生依賴感，變成不擅獨處，結果只要稍稍離開主人，心裡就會產生恐懼感，進而惹起和種麻煩，希望引起主人關注。以下會分享一啲方法：

• 即使狗狗靠近都唔好理佢：同狗仔喺同一個房嘅時候，刻意營造出唔理佢嘅狀況。唔好養成成日俾狗仔坐喺自己膝蓋上，過度親近嘅壞習慣，避免狗仔一直向主人撒嬌。
• 出門口時唔好理狗狗，直接出門口。即使愛犬吠，都唔好望佢。返屋企後唔好即刻抱狗狗，咁只會加深狗狗留喺屋企嘅寂寞感。
• 若狗狗喺非指定地點去廁所時，唔好嬲，記得即時整理乾淨。如果你嬲或者責罵佢，容易令佢覺得咁可以增加關注度

咁點可以令狗仔習慣獨自在家？

• 俾狗仔睇到手上嘅食物，然後撤喺地上。先令狗仔坐喺地下，然後露出手上嘅食物，撤喺地上。主人趁狗狗食野時離去，剛開始時可以即刻返黎，然後再逐漸拉長離開嘅時間。
• 首先畀狗狗了解玩具嘅吸引力，喺狗仔面前將食物放入玩具入面，透過食物嘅味道，令佢對玩具產生興趣。將玩具放喺狗狗面前，透過零食發出嘅味道，吸引佢玩。當狗仔全副精神同玩具玩嘅時候，主人就轉身走。