狗仔同人類嘅眼睛嘅組織基本係相同，但係狗仔同人睇野嘅方式卻唔同。首先，狗仔同人嘅頭骨形狀就唔同，所以眼睛嘅位置都唔同。人面相對較扁平，眼睛並排；但狗仔嘅眼睛左右分得較開，所以視野範圍都唔同。而狗仔視野也亦因品程而異，但平均而言約有240度，唔只係兩側，連後側方嘅景物都睇得到。

能辨識立體感同遠近感嘅「兩眼視野」，屬於兩眼中重疊嘅部份。而狗因為眼睛分得開，兩眼視野都較狡窄。

關於狗狗睇到嘅色彩，紅、橙、黃、綠都係同一個顏色；藍、紫又係另一個顏色。喺草地上，人類可以睇到紅色嘅波，但對狗仔黎講，紫／藍色波先易認。

而眼睛中水晶體嘅部份，人約4mm，狗約7mm，水晶體等於相機嘅鏡片，光通過水晶體，喺視網膜上形成影象稱為「正視」，即對焦清楚嘅狀態。如果光線停喺視網膜前就係近視，停在後就係遠視。而因狗嘅水晶體過厚，光影都會停喺視網前，即係多數狗仔都有近視。除左生長嘅牧場嘅狗仔，多數有遠視。

參考：了解狗狗的想法